Tröc é i motivs che an dess nia to medejines y bëre alcol lapró. Valgünes medejines vëgn laorades sö dal fié sciöche l'alcol. Sce an moscëda les döes sostanzes è le fié che à bele massa n gran laûr da laurè sö l'alcol, porchël ne röiel nia sön les medejines; chëstes röia inant tl corp y ne po nia fora.
Insciö é la faziun, sides positiva co negativa, le dopl tan sterscia. Atres medejines laora tl medemo punt dl corp co l'alcol. Indô se stà les sostanzes te tru y aumentëia un cun l'ater la faziun. Pro chëstes medejines ciafunse calmanc, medejines por le dormí y atri psicofarmacs. L'alcol va ince tla zircolaziun dl sanch y arbassa la presciun.
Adöm ales medejines por la presciun podessl gaujé n colaps. Al é ince medejines che cun l'alcol po gaujé problems al magun, chëstes é medejines cuntra le mé, sé de potass o fêr.
Al esist sambëgn ince medejines che adöm al'alcol ne ti fej nia al corp. Important éle che an se informëies tres te farmacia dles conseguënzes che la medejina che an tol po avëi cun l alcol.
Chësc é sambëgn ince scrit sön le cherta dles istruziuns. Te vigni cajo éle damí da ne bëre degun alcol sce an tol medejines.
I-39030
SAN MARTIN DE TOR |
Picolin, Str. Picolin 48
Tel. +39 0474 836 744
E-mail: alcohol@raiunsozial.org
Tel. +39 0474 836 744
E-mail: alcohol@raiunsozial.org
Chirida
