Danter düc i fenomens dl'alcol ciafunse ince chël dles porsones che bër ocajionalmënter. Canche ai mët spo man, esi bogn da trà por en per de dis alalungia zënza lascè do plü co intant.
Chëstes porsones vîr zënza dificoltês por ince plü tëmp zënza aziche degun alcol. Ai pó ince ma nen bëre n gote vigni tan zënza avëi val' conseguënza. Spo te n iade sënti n gran bojëgn da bëre. Canche ai röia a chësta sensaziun se tachi pro la boza y bër por dis alalungia. Te chëstes fases é na te' porsona tres cioca. Tröc sen va demez dala familia te chisc dis, ai se destaca y roda por dis alaluniga da n bar al'ater. Spo te n iade se destödi, ai nen à assà. Ai lascia de bëre dan momënt al'ater y tla maiú pert di caji ne röi nia te na crisa de astinënza.
Le tëmp passa y i momënc de calma vëgn tres plü cörc. Chesc ô dí che al vëgn boiü tres plü gonot y spo röia chëstes porsones a avëi n gran problem de alcol cronic.
Chëstes porsones che bër a fases ne pënsa nia da avëi n problem cun l'alcol y insciö nen éle ince püc che se lascia daidé. Vignun dess savëi che ince chësta é na manira de dependënza y vignun à le dovëi y le dirit da daidé y gni daidé.
I-39030
SAN MARTIN DE TOR |
Picolin, Str. Picolin 48
Tel. +39 0474 836 744
E-mail: alcohol@raiunsozial.org
Tel. +39 0474 836 744
E-mail: alcohol@raiunsozial.org
Chirida
