Ci ô pa di perd le control?
Vignun de nos à bel pordü n iade le control cun se instëss. Ti ciarun por ejëmpl a n pachl de zuculada da üa passa. L'un metü sön la mësa dan da nos, se tolon dant da nen mangé ma un, dui, al mascimo trëi… Ci bun che al é, tan morjel… nen mangiun ma ciamò un, y ciamò un… Insciö mët man nüsc pinsiers da laorè. Un podunse bëgn ciamò nen mangé, madër un… y do da n püch éle le pachl öt. Chësc é ciche nos ne essun pordërt nia orü, messun pö ciaré dla linea y i.i…. mo l'ùn impo fat…
Vignun de nos conësc le limit por përd le control de sé instës, la sensaziun de plajëi, de val de bun, ince sce savun che al podess se fà mal.
Al é tres cosses che al se savess bel da fà, mo che spo, sce ponsun do, savuns che ares n'è nia dërtes y spo ne les fajunse nia. Mo al é saurí perd le control y chirí impo te na manira o l´atra la poscibilité da le fà. I pordun le control sön nos instësc por desciarié la tenjiun che ùn y por ne se sintí nia en colpa.
Ci ô pa di perd le control pro na dependënza?
Chësta é na cossa che po ti sozed ma a na porsona che pro da controlé se instëss. Gonot ne sà na porsona che à na dependënza nia che sciampan da chësta stal por perd le control.
La bira zënza alcol – n jüch cun le füch.
Savun düc che la bira analcolica contëgn le 0,5% de alcol. Mo nia chësc n'é le prigo por n ex alcolist ciodiche al n'é nia na bocia de bira che fej tomè de revers te na dependënza, mo le prinzip instëss de chësta aziun.
Al é gnü fat n test cun la bira zënza alcol:
les porsones ne savô nia sce ares â boiü bira cun o zënza alcol. Mo ince chi che à buiü ma bira zënza alcol sintî la sostanza ince sce chësta ê minima.
N ex alcolist, che bër na bira zënza alcol
desmostra dantadöt che al n'é nia ciamò bun da renunzié completamënter a chësta boanda y che a chësta moda ti val dër pormez al prigo dla bira cun alcol. La bira zënza alcol mët a jí le jüch di pinsîrs. L´interess se recorda les beles sensaziuns che al à sintí sot al'efet dl'alcol. A chësta manira se deura indô la strada dla dependënza.
