- Le sistem di nervs de n pice möt sënt l'alcol cotan plü snel che n gran - bele pro 0,5 promile de alcol tl sanch po gní n möt da nescia. Sce n möt ess da rové en contat cun na cuntité scialdi grana de alcol dessun cherdè atira n dotur.
- Plü lisier che n möt é y plü debota che l’alcol fej faziun – ince na picia cuantité po ester n prigo por la vita de n möt.
- Por n scolare é le livel de prigo pro 3 g. d’alcol por kg de pëis dl corp, pro n gran vëgnel calcolé le dopl.
- Ai mituns ti mancel la fasa de euforia, chesc ô dí che n möt po passé dal’ester pro se instëss a le perde conoscënza dan momënt al’ater.
- L'alcol se lascia dër sintí pro le svilup fisich, mental y spiritual di mituns.
Canche i mituns röia tl’adolesciënza él dër ri dai tigní zoruch. Ai oress ion se destaché dai geniturs, jí demez da ciasa zënza ponsè che ai n’é nia ciamó arjigná al monn di gragn. Le svilup dl corp, les prömes delujiuns d'amur, les esigënzes de scora y söl laûr é de pices cosses che fej döt ciamó plü compliché de ci che al é.
Chiló röia spo ite ince l’alcol, nosta droga legala. La saû ne ti plej prinzipalmënter nia ai pici jogn mo la sostanza dà na sensaziun de euforia, ai devënta plü stersc y plü sigüsc de sé instësc. Sce an bër ne se temun plü da nia y an é bogn da fà de döt. Pro deplü grups de compagnia fej ince l’alcol pert, y sce un bër, spo ele sambëgn düc che dëida para.
