Bad Bachgard – le zënter de terapia chiló da nos.
Cun la daurida dl zënter de terapia Bad Bachgard ti dan la poscibilité da ciafé en tratamënt de terapia intensiva y globala a bëgn 30 porsones. Chësc zënter tol sö porsones cun dependënza al’alcol o a medejines.
Le conzet de terapia
En conzet de terapia global y integré, vëgn les dpendënzes conscidrades sciöche n disturb biopsico-sozial, olache al ciara sura doturs, psicologs, psicoterapeuc, sozioterapeuc, ergoterapeuc y sport-terapeuc. Le plann de terapia vëgn metü jö aladô dl bojëgn di paziënc.
I obietivs dla terapia
L'obietiv prinzipal é rovè indô a avëi la sanité, l'ester bogn da afrontè i problems dla vita y le porvè da cambié stil de vita.
I obietivs che vignun à spo por sé instëss, l’ester bun da nia plü bere n iade che an n’è nia plü en terapia, vëgn laorà fora cun vigni paziënt individualmënter. Pert dla terapia fej ince i parënc, chisc ciarun vigni iade da trà ite tl conzet che ai pois daidé para. Le suzès de chëstes terapies depënd dër dala persona che à le problem, süa colaboraziun, süa orentè a orëi gní fora dla dependënza.
Tan dî döra pa la terapia?
Danfora vëgnel preodü 8 edemes de terapia. Canche chësta é rovada él preodü che i paziënc se lasces daidé inant da n grup de autoaiüt, por che al ne sides nia da su canche al vëgn confronté cun l'alcol.
Co che an röia te chësc zënter de cura:
i paziënc dla provonzia de Balsan vëgn menà te chësc zënter dai sorvisc ales dependënzes o da atri sorvisc privac. I paziënc che vëgn da d’atres provinzies vëgn tuc sö do che al é gnü metü en tler che che surantol i cosc por la terapia.
Criters de acoliënza:
- La persona dess ester desintossiada dal’alcol.
- Denant co gni tuc sö dessel gní metü in tler sce al é patologies o complicaziuns de tipo psichiatric.
- An dess avëi na radiografia dl piet.
- An ne po nia avëi dependënzes da d’atres droghes.
- Segurté che le paziënt ne sides nia prigorus, por vël instëss y por i atri.
- Esclujiun de na psicosi acuta.
- Esclujiun de n deficit inteletiv.
- La porsona cun le problem mëss se presentè tl zënter y se fà conësce dai doturs.
