- Le sistem di nervs de n pice möt sënt l'alcol cotan plü debota che n gran - bele pro 0,5 promile de alcol tl sanch po gnì n möt da nescia. Sce en möt ess da rové en contat cun na cuntité scialdi grana de alcol dessun cherdé atira n dotur.
- Plü lisier che n möt é y plü debota che l'alcol fej faziun – ince na picia cuantité po ester n prigo por la vita de n möt.
- Por n scolare é le livel de prigo pro 3 gr d'alcol por kg de pëis dl corp, pro n gran vëgnel calcolé le dopl.
- Ai mituns ti mancel la fasa de euforia, chesc ô dí che n möt po passè dal ester pro se instëss a le perde conoscënza dan moment al'ater.
- L'alcol se lascia dër sintí pro le svilup fisich, mental y spiritual di mituns.
Canche i mituns röia tl'adolescënza él dër ri dai tigní zoruch. Ai oress ion se destaché dai geniturs, jí demez da ciasa zënza ponsé che ai n'é nia ciamó arjigná ca al monn di gragn. Le svilup dl corp, les prömes delujiuns d´amur, les esigënzes de scora y söl laûr é de pices cosses che fej döt ciamò plü compliché de ci che al é.
Chiló röia spo ite ince l alcol, nosta droga legala. La sau ne ti plej prinzipalmënter nia ai pici jogn mo la sostanza da na sensaziun de euforia, ai devënta plü stersc y plü sigüsc de sé instësc. Sce an bër ne se temun plü da nia y an é bugn da fà de döt. Pro deplü grups de compagnia fej ince l'alcol pert, y sce un bër, spo él sambëgn düc che dëida para.
