Vladimir Hudolin é nasciü tl ex Jugoslavia tl 1922 y é mort a Zagreb tl 1996.
Al ê n psichiater d'importanza internazionala y n mëmber dl organisaziun mondiala dla sanité, conesciü a livel europeich por sü stüdi sura les dependënzes dl'alcol y por avëi svilupé n program relativ al alcolism.
Tl 1979 él nasciü a Trieste le pröm Club talian. A Udine, de otober dl medemo ann, cun la partezipaziun de Hudolin instëss él spo gnü organisé le pröm curs de sensibilisaziun por le stüde di problems lià al alcol. Da chël dé inant s’à i clubs slarié fora por döta la Talia y plan plan ince por le rest dl monn.
Le pröm di 12 clubs che ciafun incö tla provinzia da Balsan é gnü metü sö da Costante Valentini (1946-2003) a La Ila tl 1987. Da chël dé, cina al dé de süa mort àl davert atri 16 clubs se dan jö por l'APCAT cun gran impëgn, dediziun y entusiasm.
Al à salpü da ti dé a vigni club n'importanza personala caraterisada dala fiducia, dal coraje y dala fede te na poscibilité da recuperé düc chi che se lasciâ daidé. Costante à tres combatü cuntra tröpes dificoltês y incomprenjiuns, so gran impëgn por i alcolisc é stè de gran ejëmpl.
Cun so ester davert, sinzir y de buna man àl dè ai atri döt ci che al pudô. Por tröc él deventè n gran ejëmpl de vita, lascian zoruch na testimonianza de dediziun por n ideal te chël che al à cherdü cina ala fin.
I-39030
SAN MARTIN DE TOR |
Picolin, Str. Picolin 48
Tel. +39 0474 836 744
E-mail: alcohol@raiunsozial.org
Tel. +39 0474 836 744
E-mail: alcohol@raiunsozial.org
Chirida
